ﻣﺮﺣﺒﺎ ﺑﻴﻚ، ﻧﻮﺭﺗﻴﻨﺎ!
كنت خدام على تجربة مغربية متكاملة لماينكرافت: صاوبت ليها خط عربي، وترجمتها للدارجة، ومن بعد لاحظت أن اللوغو مازال مكتوب بالإنجليزية. باش يولي كلشي منسجم، صاوبت Resource Pack كيبدّل اللوغو الأصلي بلوغو عربي محافظ على نفس الروح البصرية ديال اللعبة.
التغيير بسيط، ولكن كيكمل التجربة وكيخلي الواجهة منسجمة أكثر مع الخط العربي والترجمة بالدارجة. الپَّاك متوفر للتحميل، وتقدر تركبو بسهولة بحال أي Resource Pack آخر.
علاش صاوبت هاد اللوغو؟
ممكن يبان غير تبديل صغير فالشكل، ولكن شعار Minecraft جزء معروف من هوية اللعبة. حاولت نخلي كلمة «ماينكرافت» مكتوبة بالعربية، مع الحفاظ على نفس الستايل الحجري، الألوان، والإحساس ديال اللوغو الأصلي.
هاد اللوغو كيكمل التجربة المغربية اللي خدام عليها لماينكرافت، واللي كتتكوّن من:
- الخط العربي، باش الكتابة تبان بشكل صحيح.
- الترجمة بالدارجة، باش محتوى اللعبة يكون مفهوم أكثر للمغاربة..
- اللوغو العربي، باش الواجهة تبقى منسجمة مع باقي المشروع.
تحميل لوغو ماينكرافت بالعربية
الباك صغير فالحجم وما كيأثرش على أداء اللعبة، وتقدر تحملو وتركبو بحال أي Resource Pack آخر.
طريقة التركيب (سهلة ماهلة)
طريقة التركيب هي نفسها ديال أي Resource Pack آخر:
- حمّل الملف بصيغة
.zipوخليه كيف ما هو، ما تفكوش. - حل اللعبة وسير لـ
Options>Resource Packs>Open Pack Folder. - حط ملف الـ
.zipداخل المجلد. - رجع للعبة وفعّل الباك، ومن بعد كليكي على
Done.
ملاحظة مهمة: خليه هو الفوقاني فـResource Packs باش ياخذ الأولوية ويغطي على اللوغو الأصلي.
مازال ما درتيش الخط والترجمة؟
إلا وصلتي لهاد المقال قبل ما تركّب الخط والترجمة، تقدر تكمل التجربة بهاد الجوج إضافات:
- الخط العربي: كيصلح عرض الحروف والكتابة العربية داخل اللعبة.
- الترجمة بالدارجة: كتبدّل نصوص اللعبة للدارجة المغربية.
ملي كتجمع الخط والترجمة واللوغو، كتولي الواجهة كاملة منسجمة مع التجربة المغربية اللي خدام عليها.
دابا ما بقا غير تجرب الباك وتشوف كيفاش كيبان اللوغو داخل اللعبة.
الله يسخر!
